Reykás 27

Mjög rúmgóð 2ja herbergja íbúð á jarðhæð í góðu fjölbýli með miklu útsýni til austurs yfir Rauðavatn og Bláfjöllin.
Íbúðin skiptist í svefnherbergi, rúmgóða stofu, eldhús, baðherbergi og þvottahús innan íbúðar. Geymsla er á hæð íbúðar. Húsið er í góðu standi, dren hefur verið endurnýjað og þak, húsið múrviðgert og skipt um glugga og svalahurð, stigahús málað og teppalagt. Húsið var málað að utan sumar 2021. Stutt er í alla þjónustu í hverfinu og óspillta náttúru til austurs og Elliðaárdalinn til vesturs.

Eignin er skráð skv. Þjóðskrá Íslands alls 69 fm. og er geymsla íbúðar ekki inn í fermetratölu eignarinnar. 

Nánari lýsing:
Forstofa með fatahengi með flísum á gólfi. 
Stofa / borðstofa er rúmgóð og björt með parketi á gólfi.  Útgengt er út á austur-svalir með útsýni yfir Rauðavatn og Bláfjöllin, tröppur eru niður af svölum út í garð hússins. 
Eldhús er rúmgott með hvítri innréttingu, gott borðpláss, tengi fyrir uppþvottavél, helluborð, gufugleypir og parket á gólfi. 
Svefnherbergi er rúmgott með nýlegum fataskápum og parketi á gólfi.
Baðherbergi hefur verið endurnýjað að hluta með innangengri sturtu, nýleg innrétting og flísalagt í hólf og gólf.  
Þvottahús er innan íbúðarinnar,  rúmgóð með nýlegri innréttingu og vélum í vinnuhæð, góðum geymsluhillum og máluðu gólfi. 
Geymsla er sér í sameign og er ekki inn í fermetratölu eignarinnar.  auk sameiginlegrar vagna og hjólageymslu.

Sameign er mjög snyrtileg og vel um gengin, sameign var máluð og teppalögð 2019.
Sameiginleg vagna- og hjólageymsla.
Húsið var múrviðgert og skipt um þak 2020, dren í kringum allt húsið var endurnýjað 2019 og skipt um glugga og svalahurðir og sumarið 2021 var húsið málað að utan.
Lóð er tyrfð og fallegur trjágróður utan lóðamarka að bakatil, gönguleiðir við inngang erum með hitalögn og hellulagðar.
Stutt er í alla þjónustu í hverfinu og óspillta náttúru til austurs og Elliðaárdalinn til vesturs.

Allar nánari upplýsingar veitir Guðbjörg G. Sveinbjörnsdóttir löggiltur fasteignasali í síma 8995949 eða á netfanginu gudbjorg@trausti.is