Lynghólar 8

Fasteignasalan TORG kynnir: Fallegt og vandað fjölskyldu-raðhús á tveimur hæðum með rúmgóðum bílskúr. Húsið er 5 herbergja, mjög stórt aðalrými, tvö baðherbergi, þvottaherbergi, sjónvarpshol, 4 svefnherbergi, þaksvalir, og hellulögð verönd fyrir framan og aftan húsið. Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is

Nánari lýsing: Húsið er alls skráð 236fm, þar af er bílskúrinn 34,5fm með geymslu. Komið er inn í forstofu með góðum forstofuskápum, forstofuherbergi og gesta-baðherbergi með sturtu. Úr forstofu er farið inn í aðalrými hússins, með borðstofu, stóru glæsilegu eldhúsi með stórri eyju og stofu. Útgengi er út á hellulagða verönd baka til. 

Stigi upp á efri hæð er gerður úr sjónsteypu með innfelldu parketi. Á efri hæð  er sjónvarpshol og þrjú góð svefnherbergi og aðal baðherbergi. Loftið er tekið niður að hluta og myndar ramma með innfelldri lýsingu og innan rammans er viður sem skapar góða hljóðvist. Útgengi er úr baðherbergi og úr sjónvarpsholi út á hellulagða þaksvalir þar sem eru skjólveggir og heitur pottur.

Innréttingar, bæði skápar og eldhús eru ítalskar og sérhannaðar frá Tisettanta/Elam, nema í þvottahúsi, þar eru HTH innréttingar. Lýsingarhönnun og ljós eru frá Lumex. Allar hurðar eru sérsmíðaðar án gerefta og ná upp í loft. Vönduð gólfefni eru á eigninni, stórar flísar og niðurlímt hvíttað eykarparket frá Parka. Gólfhitakerfi er í öllum gólfum. Innbyggt ryksugukerfi er í húsinu. Innbyggð sódavél er í eyjunni í eldhúsinu. Geymsla er innst í bílskúrnum og henni lokuð með rennihurð, hilluskápar eru veggfastir í bílskúrnum og gert er ráð fyrir ísskáp í innfelldu plássi. Bílskúrinn og geymslan er með Epoxy iðnaðargólf. 

Lóðin er frá gengin með hellulögðu plani fyrir framan með afgirtri verönd með harðvið/Lerki. Fallegt og vandað raðhús á vinsælum stað í Garðabænum með skóla, tómstundir og náttúru í göngufæri.  Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is