Engihjalli 9

Berglind Hólm lgfs. og RE/MAX kynna: Sérlega falleg og mikið endurnýjuð íbúð á 9.hæð með glæsilegu útsýni af stórum 16 m2 svölum til vesturs. Íbúðin er 2ja herbergja með góðri stofu og rúmgóðu svefnherbergi. Á síðast ári hefur eignin nánast öll verið endurnýjuð að innan. Búið er að endurnýja öll gólfefni (vandað harðparket á öllum rýmum nema fallegar og vandaðar flísar á baðherbergi), innréttingar í eldhúsi og á baðherbergi, fataskáp í forstofu og setja stóra sturtu á baðherbergi með gleri. Glæsilegt útsýni er frá svölum yfir til vesturs og bæði er hægt að ganga út á svalirnar frá stofurými og einnig frá svefnherberginu. Einnig hefur húsið fengið mikið og gott viðhald á síðustu árum. Búið er að fara í múrviðgerðir, háþrýstiþvott, málun, endurnýja þakjárn, endurbætur á svölum, svalahandriðum og á sameign. Einnig er nýlega búið að skipta um rúðu í eldhúsglugga íbúðarinnar og endurnýja alla ofna og rafmagns innstungur og slökkvara.

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is

Nánari lýsing.
Anddyri er á jarðhæð og lyfta gengur upp að íbúðinni á 9.hæð hússins. 
Forstofa: Komið er inn í forstofu með fallegu harðparketi á gólfi og góðum nýjum fataskáp sem nær upp í loft.
Stofa + borðstofa: Innaf forstofunni til hægri er rúmgóð stofa með vönduðu harðparketi á gólfi sem rúmar vel bæði setustofu og borðstofu. Útgengt er á 16m2 vestur svalir sem njóta glæsilegs útsýnis yfir höfuðborgina. Sól nær inn á svalirnar frá sirka kl.14 á daginn og þar til hún sest á kvöldin.
Eldhús: Eldhúsið er endurnýjað á sérlega fallegan og smekklegan hátt á síðast árinu. Innrétting er á tvo veggi með efri og neðri skápum. Skápar eru í fallegum brúnum lit með dökkri borðplötu og nýjum tækjum. Við enda innréttingarinnar er borðkrókur við glugga. Hægt er að ganga inn í eldhúsið á tvo vegu, bæði frá forstofu og frá setustofunni. 
Baðherbergi: Baðherbergið var einnig allt endurnýjað á síðasta árinu á glæsilegan hátt. Dökkar flísar eru á gólfi, veggjum og í sturtugólfi. Stór sturta er beint á gólf með glervegg. Góð innrétting er undir og við vask í fallegum brúnum lit. Stór spegill er fyrir ofan vaskaborðið. Salernið er upphengt og vatnskassi er innbyggður og flísalagður. Handklæðaofn er á vegg. 
Svefnherbergi: Svefnherbergið er rúmgott með vönduðu nýlegu harðparketi á gólfi og góðum eldri fataskáp sem nær upp í loft. Útgengt er út á svalirnar frá hjónaherberginu.
Þvottahús: Á gangi á hæðinni er sameiginlegt þvottahús rétt fyrir framan íbúðina. Þvottahúsið sinnir aðeins íbúðum 9.hæðarinnar. 
Geymsla: Sérgeymsla fylgir íbúðinni í kjallara ca 4-5m2 og virðist hún ekki skráð í skráða fermetra íbúðarinnar.
Hjóla og vagnageymsla er í sameign. Á efstu hæð er sameignarrými þar sem hægt er að vera með frystiskápa.

Fallegt útsýni út á Reykjanesið og til norðurs yfir Esjuna og víðar. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is