Fasteignaleitin

Íbúðaverð heldur áfram að hækka

En með talsvert hægara móti en áður

31 janúar 2024
Mynd af Íslandsbanki
Íslandsbanki
Greiningadeild Íslandsbanka
Framboðið á íbúðamarkaði hefur aukist jafnt og þétt frá því að það var hvað minnst um mitt ár 2022 en þá mældust færri en 500 eignir til sölu á höfuðborgarsvæðinu. Samkvæmt mælingum okkar voru um 2.800 íbúðir til sölu á höfuðborgarsvæðinu nú í janúar og 45% af þeim nýbyggingar. Á nýliðnu ári fjölgaði nýjum íbúðum um ríflega 3.500 samkvæmt Húsnæðis- og mannvirkjastofnun. Það eru fleiri íbúðir en árin tvö þar á undan þegar um 3.000 nýjar íbúðir komu inn á markaðinn hvort ár.
Samkvæmt mælaborði Húsnæðis- og mannvirkjastofnunar eru ríflega 7.400 íbúðir í byggingu á landinu öllu og stærsti hluti þeirra á fyrstu byggingarstigum. Vísbendingar eru um að hægt hafi á framkvæmdum nýbygginga og á heildina litið hefur íbúðum í byggingu fækkað. Áhrifa stýrivaxtahækkana er einnig farið að gæta á byggingamarkaði.
Á nýliðnu ári hækkaði íbúðaverð um tæplega 8% á milli ára og raunverð íbúða lækkaði þar af leiðandi um 1%. Þetta er í fyrsta sinn frá árinu 2013 sem raunverð íbúða lækkar. Þessi hækkun á nýliðnu ári var í takti við okkar fyrri spá um íbúðamarkaðinn.
Aðgerðir ríkisstjórnarinnar til að losa um eigið fé Grindvíkinga í íbúðarhúsnæði munu að öðru óbreyttu auka eftirspurn og hækka íbúðaverð. Verðþróun á íbúðamarkaði á þessu ári veltur einna helst á því hvernig mótvægisaðgerðir ríkisstjórnarinnar munu spilast. Við gerum ráð fyrir að þær gangi ágætlega en spáum þó að íbúðaverð muni hækka meira á þessu ári vegna þessa.
Við spáum því að íbúðaverð hækki um 5,5% á þessu ári, um 3,4% á því næsta og um 4,3% árið 2026. Raunverð íbúða mun því nánast standa í stað næstu tvö árin en hækka um 1,3% á lokaári spátímans. Óvissan varðandi íbúðamarkaðinn er mikil. Til skemmri tíma er stærsti óvissuþátturinn fyrrnefndar mótvægisaðgerðir ríkisstjórnarinnar. Til lengri tíma er framboð nýrra eigna stór óvissuþáttur.
Efni úr Þjóð­hags­spá Íslandsbanka: Vatna­skil í vaxt­ar­takti
Höfundar:
Jón Bjarki Bentsson, Aðalhagfræðingur
Bergþóra Baldursdóttir, Hagfræðingur

Vinsælar eignir

Skoða eignina Grensásvegur 1
Skoða eignina Grensásvegur 1
Grensásvegur 1
108 Reykjavík
93.5 m2
Fjölbýlishús
312
908 þ.kr./m2
84.900.000 kr.
Skoða eignina Fjóluás 30
3D Sýn
Bílskúr
Skoða eignina Fjóluás 30
Fjóluás 30
221 Hafnarfjörður
300.4 m2
Einbýlishús
827
661 þ.kr./m2
198.500.000 kr.
Skoða eignina Miðleiti 4
Bílskúr
Skoða eignina Miðleiti 4
Miðleiti 4
103 Reykjavík
149.2 m2
Fjölbýlishús
413
582 þ.kr./m2
86.900.000 kr.
Skoða eignina Laugavegur 96
3D Sýn
Skoða eignina Laugavegur 96
Laugavegur 96
101 Reykjavík
145.9 m2
Fjölbýlishús
212
753 þ.kr./m2
109.900.000 kr.
Fasteignaleitin
Öflugur fasteignaleitarvefur með einföldu og notendavænu viðmóti sem býður upp á ítarlegar upplýsingar um fasteignir, þróun verðlags og fróðleik um fasteignamarkaðinn.
Hafðu samband
Hlekkir
Samfélagsmiðlar
© Copyright 2025 - Fasteignaleitin