Húsnæðisverð lækkar
06 október 2022
Halldór Kári Sigurðarson
Hagfræðingur Húsaskjóls
Húsnæðisverð á höfuðborgarsvæðinu lækkaði um 0,4% í ágúst en það hafði hækkað samfellt síðustu 32 mánuðina þar á undan. Lækkunin er í takt við væntingar Greiningardeildar Húsaskjóls og skýrist fyrst og fremst af vaxtahækkunum og minna aðgengi að lánsfé.
Heimildir: Þjóðskrá Íslands, HMS og Greiningardeild Húsaskjóls
Eitt skýrasta merki viðsnúnings á íbúðamarkaði undanfarna mánuði hefur einfaldlega verið aukið framboð af eignum til sölu. Um þessar mundir eru á bilinu 1300-1400 eignir til sölu á höfuðborgarsvæðinu sem er tvöfalt meira en fyrir tveimur mánuðum. Það er því ljóst að íbúðir eru að koma mun hraðar inn á markaðinn en þær seljast.
Það er þekkt að þegar samningsstaða kaupenda og seljenda snýst svona hratt getur skapast ákveðin sölutregða. Kaupendur bjóða undir ásettu verði en seljendur sætta sig ekki við tilboðin. Þetta skýrir e.t.v. hraða aukningu í framboði um þessar mundir.
Ofan á þetta bætist að það má gera ráð fyrir töluverðri aukningu í framboði á nýbyggingum á næstu mánuðum.
Íbúðaspá HMS og SI gerir ráð fyrir að rúmlega 400 nýjar íbúðir komi inn á mánuði það sem eftir lifir árs þegar horft er á landið í heild sinni sem er tvöfalt meira en í meðalmánuðinum það sem af er ári.
Heimildir: Samtök iðnaðarins, HMS og Greiningardeild Húsaskjóls
Peningastefnunefnd ákvað í gær að hækka vexti um 25 punkta og standa meginvextir bankans nú í 5,75%. Það sem er áhugaverðast er hins vegar ekki vaxtahækkunin heldur mjúkur tónn nefndarinnar og ummæli Seðlabankastjóra um að mögulega væri stýrivaxtahækkunarferli Seðlabankans lokið í bili.
Heimildir: Samtök iðnaðarins, HMS og Greiningardeild Húsaskjóls
Horft fram á við er ljóst að húsnæðisverð mun halda áfram að lækka að nafnvirði á næstu mánuðum. Það skýrist af nokkrum þáttum. Fyrir það fyrsta má nefna að vísitala íbúðaverðs er 3 mánaða hlaupandi meðaltal undirritaðra kaupsamninga. Nýjasta mælingin byggir því á kaupsamningum sem voru undirritaðir í sumar og því ljóst að vaxtaáhrifin eru aðeins komin inn að hluta. Tregða seljenda til að aðlaga sig að breyttum aðstæðum hefur síðan leitt til þess að íbúðaframboð hefur tvöfaldast á tveimur mánuðum. Þannig getur markaðurinn ekki gengið til lengdar og seljendur munu á næstu mánuðum þurfa að sætta sig við nýjan veruleika. Loks má nefna að Samtök iðnaðarins og HMS spá miklu innflæði af nýbyggingum inn á markaðinn á næstu mánuðum.
Þrátt fyrir að steypan sé uppáhalds fjárfesting Íslendinga getur íbúðaverð lækkað líkt og annað eignaverð og það er einmitt það sem er framundan.
Vinsælar eignir
Skoða eignina Hjarðarlundur 7
Hjarðarlundur 7
600 Akureyri
200.7 m2
Einbýlishús
614
687 þ.kr./m2
137.900.000 kr.Skoða eignina Nönnugata 1
Nönnugata 1
101 Reykjavík
19.4 m2
Fjölbýlishús
11
1284 þ.kr./m2
24.900.000 kr.Skoða eignina Álfaskeið 14
Álfaskeið 14
220 Hafnarfjörður
99.8 m2
Hæð
412
700 þ.kr./m2
69.900.000 kr.Skoða eignina Skólabraut 1
Skólabraut 1
220 Hafnarfjörður
73.2 m2
Fjölbýlishús
32
854 þ.kr./m2
62.500.000 kr.Skoða eignina Skyggnisbraut 17
Skyggnisbraut 17
113 Reykjavík
51.6 m2
Fjölbýlishús
211
1016 þ.kr./m2
52.447.863 kr.Skoða eignina Sólvallagata 47
Sólvallagata 47
101 Reykjavík
210 m2
Einbýlishús
734
1071 þ.kr./m2
225.000.000 kr.Skoða eignina Bragagata 25
Bragagata 25
101 Reykjavík
65.6 m2
Fjölbýlishús
311
1066 þ.kr./m2
69.900.000 kr.Skoða eignina Kjarrhólmi 8
Kjarrhólmi 8
200 Kópavogur
84.4 m2
Fjölbýlishús
312
859 þ.kr./m2
72.500.000 kr.Skoða eignina Langeyrarvegur 16
Langeyrarvegur 16
220 Hafnarfjörður
107.7 m2
Einbýlishús
613
928 þ.kr./m2
99.900.000 kr.Skoða eignina Álfhólsvegur 79B
Álfhólsvegur 79B
200 Kópavogur
151.8 m2
Parhús
725
817 þ.kr./m2
124.000.000 kr.