Skipasund 77

Eignin er seld með fyrirvara.

Í einkasölu stórglæsilegt 186,9 fm einbýli auk 15 fm frístandandi bjálkahúss sem er nýtt sem fjölskyldulíkamsrækt. Eignin er mikið til nýlega standsett.
Skipting eignar:
Efri-hæð: Inngangur, og forstofa, sjónvarpsherbergi, stofa, eldhús, borðstofa og baðherbergi. Gengt er frá stofu út á svalir og þaðan niður í stórglæsilegan garð.
Neðri-hæð: Inngangur og forstofa, hol, þvottaherbergi, 3 svefnherbergi og baðherbergi.
Garður: Geymsla, tvær einstaklings íbúðir og líkamsrækt.

Nánari lýsing
Efri hæð. Á forstofu, sjónvarpsherbergi, stofu og eldhúsi er parket. Eldhúsið er opið við stofuna, í því er hvít nýleg innrétting með eyju. Borðkrókur er rúmgóður.  Flísalagt Baðherbergi með sturtu.
Neðri hæð. Í forstofunni eru flísar á gólfi, þurrkofn og skápar fyrir fatnað. Þvottaherbergið er með flísum á gólfi, innréttingu fyrir þvottavél og þurrkara og góðu skáparými. Flísalagt baðherbergið og í því er bæði baðkar og sturta. Þrjú rúmgóð svefnherbergi með fataskápum, parket er á herbergjum.  Forstofa á neðri hæð er ekki inn í heildar fermetrum eignarinnar. 
Garðurinn
Garðurinn er nýlega standsettur og heill heimur út af fyrir sig, mjög glæsilegur með hita í stéttum, palli við bjálkahús sem er nýtt sem fjölskyldulíkamsrækt og heitum potti. Bjálkahúsið er upphitað og með salerni. Gert er ráð fyrir útisturtu. Á lóðinni stendur 50 fm bílskúr sem er innréttaður sem 2ja herbergja íbúð. Baðherbergið er með sturtu og flísalagt í hólf og gólf. Á svefnherbergi, stofu og eldhúsi er parket. Í öðru hluta bílskúrsins er svefnherbergi með sérinngangi og parketi á gólfum. Þar er baðherbergi með sturtu, flísalagt í hólf og gólf. Fremst í bílskúrnum er geymsla.

Eignin er öll nýlega standsett. Rafmagn endurnýjað, sett upp ný rafmagnstafla og skipt um tengla. Pípulagnir endurnýjaðar og settur gólfhiti í allt húsið auk ofna í baðherbergi og forstofu á neðri hæð. Skólp- endurnýjað, auk þess sem skipt var um skólplagnir frá húsi út í götu. Baðherbergi standsett. Þvottaherbergi standsett.  Eldhús standsett. Öll gólfefni endurnýjuð. Skipt var um alla glugga og hurðar. Skipt var um pappa og járn á þaki. Bílskúrinn er nýbyggður og lóðin öll standsett með upphitaðri hellulögn, pöllum og skjólgirðingum.

Nánari upplýsingar veitir:
Leifur Aðalsteinsson löggiltur fasteignasali
Sími 662-3999
leifur@fastgardur.is