Brekkubær 28

Miklaborg kynnir: Mikið endurnýjað, vel skipulagt raðhús á góðum stað í Árbæ, stutt í alla þjónustu. Í húsinu eru fjögur svefnherbergi og aukaíbúð með sérinngangi. Frábær útiaðstaða í garði með palli og heitum potti. Bílskúr nettengdur og með rafb.hleðslu. Gott geymslurými. Húsið er frábært fjölskylduhús og er vel tæknivætt. Nettenglar og wifi um allt hús. Videodyrabjalla að framan. Snjalllæsing í kjallara. Snjallstýring á heitum potti o.fl. sem fylgir. Í húsinu er óskráð rými, þannig að heildarfermetrar eru um 265 auk óskráðs geymslulofts. Viðar Böðvarsson viðskiptafræðingur, lögg. fast. vidar@miklaborg.is, s. 6941401.

Nánari lýsing: Aðalhæð: Forstofa með flísum og fataskáp. Gestasnyrting með nýlegum tækjum og flísum, upphengt salerni. Þvottahús er flísalagt. Eldhús með nýlegri, fallegri innréttingu, granítborðplata, spanhelluborð og bakaraofn í vinnuhæð, góð borðaðstaða. Borðstofa og stofa með nýju parketi. Arinn í stofu. Gengt er frá borðstofu út á verönd og þaðan í afgirtan garð. Þar er góður pallur og heitur pottur o.fl. Önnur hæð: Hol með góðu skápaplássi og fjögur svefnherbergi: Hjónaherbergi er rúmgott með sérfataherbergi með góðu skápaplássi. Úr hjónaherbergi er útgengt á suðursvalir með nýrri svalalokun sem er að fullu opnanleg. Barnaherbergin þrjú eru með góðu skápaplássi. Nýlegt parket. Nettenglar í öllum herbergjum. Baðherbergi með sturtu og baðkari, flísalagt í hólf og gólf og hita í gólfi. Háaloft aðgengilegt úr holi. Kjallari: Í kjallara er glæsileg aukaíbúð með sérinngangi, þar er baðherbergi og eldhúskrókur. Í kjallara eru einnig tvö gluggalaus rými, sem eru óskráð og auka notagildi og möguleika hússins, t.d. mögulegt að leigja út kjallarann í heilu lagi. Í dag er þetta rými notað sem tómstundaaðstaða og geymsla. Afgirtur suðurgarður með palli (byggingarár 2021). Þar er góð útivistaraðstaða með snjallstýrðum heitum potti. Lítið garðhús. Þak er nýmálað og yfirfarið, þakkantur endurnýjaður fyrir ca. 10 árum. Múrverk yfirfarið og lagfært 2024-2025, þakrennur nýyfirfarnar. Rafmagnstafla var endurnýjuð árið 2021. Snjóbræðsla er fyrir framan hús. Eignarlóð. Frábær staðsetning og öll þjónusta í göngufæri.