Borgarhlíð 2b

Fasteignasalan Hvammur  -  466-1600  -  linda@kaupa.is 

Borgarhlíð 2b, 603 Akureyri - Vönduð og vel viðhaldin 5 herbergja raðhúsaíbúð á tveimur hæðum með sambyggðum bílskúr á vinsælum stað í Þorpinu. Stutt er í leik- og grunnskóla ásamt íþróttasvæði Þórs. Heildarstærð eignar er 150,9 m² en þar af telur bílskúrinn 23,6 m².

Íbúðin skiptist með eftirfarandi hætti:
Neðri hæð: forstofa, hol, snyrting, tvö svefnherbergi og bílskúr þar sem tengt er fyrir þvottavél og þurrkara.
Efri hæð: eldhús, stofa, baðherbergi, hjónaherbergi og sjónvarpshol sem áður var fjórða svefnherbergið. 

Neðri hæð - nánari lýsing:
Forstofa er rúmgóð með steinteppi á gólfi. Góðir fataskápar og innrétting með skolvask. Hluti af forstofunni var áður þvottahús og hefur forstofan því verið stækkuð 
Hol neðri hæðar er með ljósum flísum á gólfi og hvítum vegghengdum skenk. Úr holinu er teppalagður járnstigi upp á efri hæð. 
Snyrting er með þiljum á veggjum og gólfi ásamt nettum hvítum vaskaskáp og speglaskápum fyrir ofan. 
Svefnherbergi I: er með ljósum flísum á gólfi og hefur herbergið verið stækkað m.v. upprunalegar teikningar. Úr þessu herbergi er hurð út á timburverönd sem snýr til vesturs. 
Svefnherbergi II: er með plastparketi á gólfi og hefur herbergið verið stækkað m.v. upprunalegar teikningar á kostnað geymslu sem áður var. Í herberginu er fataskápur.
Bílskúr er skráður 23.6 m² að stærð og innangengt í hann úr holi. Þar eru flísar á gólfi, hillur og eldri innrétting. Í bílskúr er nýleg rafdrifin innkeyrsluhurð með inngönguhurð. Í bílskúr er einnig tengi fyrir þvottavél og þurrkara. 3ja fasa rafmagn og hleðslustöð.

Efri hæð - nánari lýsing:
Eldhús var endurnýjað fyrir 15-20 árum síðan. Þar er vönduð U-laga innrétting frá Ými með keramik helluborði og stæði fyrir ísskáp og bakaraofn í vinnuhæð. Ísskápur, bakaraofn og uppþvottavél voru keypt ný 2024 og fylgja þessi tæki með við sölu. Gott skápa- og bekkpláss er í eldhúsinu. 
Stofa er með parketi á gólfi og þar eru loftin tekin upp. Úr stofu er útgengt á rúmgóðar svalir sem snúa til vesturs. 
Baðherbergi er rúmgott með flísum bæði á gólfi og veggjum. Þar er ljós sprautulökkuð innrétting, upphengt wc, handklæðaofn. Sturta er flísalögð með aðfellanlegum sturtuglerjum.  
Svefnherbergi III (hjónaherbergi) er með parketi á gólfi og nýlegum ljósum fataskápum með góðu plássi. 
Sjónvarpshol er með parketi á gólfi og opnanlegum glugga. Þar var áður fjórða svefnherbergið og mögulegt er að breyta því aftur í svefnherbergi.  

Annað:
- Útidyrahurðastykki og bílskúrshurð voru endurnýjuð árið 2021
- Svalahurð og gluggastykki í stofu endurnýjað um 2020.
- Garðurinn er gróinn og snyrtilegur með timburverönd og skjólveggjum að hluta. Þar er um 8 m² geymsluskúr sem er með rafmagni. 
- Hitaþráður er í þakrennum. 
- Fyrirhugað er að endurnýja þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.