Hátún 24

Einbýlishús á pöllum með innbyggðum bílskúr á góðum útsýnisstað við Hátún á Eskifirði.
Á efri hæð er flísalögð forstofa ásamt flísalögðu þvottahúsi þar inn af. Einnig er lítið gestasalerni inn af forstofu. Í eldhúsi er flísar, eldri innrétting og borðkrókur. Stofa er uppi á efsta palli (fjögur þrep) hún er rúmgóð og þaðan er sérlega gott útsýni yfir Eskifjörð. Innangengt er í bílskúr af efri hæð en bílskúr er nokkuð hefðbundinn með máluðu gólfi og bílhurð með sjálfvirkum hurðaopnara. Á neðri hæð er hol með parket á gólfi. Þar eru einnig fjögur svefnherbergi, öll með parket á gólfi og útgengt er úr einu þeirra á svalir (vantar handrið). Baðherbergi á neðri hæð er flísalagt í hólf og gólf, þar er sturta, handklæðaofn og innrétting. 
Á neðsta palli hússins er talsvert rými sem búið er að hreinsa alveg út og er þannig séð fokhelt í dag og tilbúið til uppbyggingar en þarna var áður lítil íbúð með sér inngangi.
Bílastæði er vel frágengið með hellum.