Sæviðarsund 23

Nýtt á skrá! Sæviðarsund 23 Reykjavík - Bókið skoðun.

Lind fasteignasala / Heimir Hallgrímsson lögg. fasteignasali kynnir virkilega fallega og vel staðsetta 5-6 herbergja hæð með bílskúr við Sæviðarsund 23 í Reykjavík. Heildareignin er alls skráð 161,6 fermetrar að stærð en þá eru ótaldir u.þ.b. 20 óskráðir fermetrar í turnherbergi sem nýtist vel sem fjölskylduherbergi eða rúmgott auka svefnherbergi. Íbúðarfermetrar eru 141,6 fermetrar, bílskúr 20,0 fermetrar (er þó eitthvað stærri) og turnherbergi u.þ.b. 20 fermetrar (óskráðir) eða samtals um 180 fermetrar.

Sérinngangur með rúmgóðu og afar fallegu stigaholi með drápuhlíðargrjóti og stórum gluggum til norðurs og suðurs.Tvö baðherbergi eru á hæðinni og 3-4 svefnherbergi (eitt svefnherbergi var stækkað á kostnað herbergis en hægt að breyta til baka). Fallegt og sjarmerandi alrými með stórum gluggum þar sem eldhúsið er opið að hluta við borðstofu og setustofu. Gengið er upp í turnherbergi um hringstiga frá stofu. Útgengi á stórar svalir til suðurs frá svefngangi. 

Eignin skiptist í forstofu/stigahol, alrými (setustofa, borðstofa og eldhús), 3-4 svefnherbergi, svefngangi, 2 baðherbergi, rúmgott turnherbergi, þvottaherbergi, svalir til suðurs og bílskúr.

Þakið var yfirfarið árið 2015 (pússað upp, grunnað og málað) og hefur síðan verið vel viðhaldið frá þeim tíma með málningu. Húsið var málað árið 2015 og síðan þá verið málað í hlutum/viðhaldið. Þá voru allar ofnalagnir endurnýjaðar fyrir u.þ.b. 4 árum síðan og rafmagn endurnýjað að hluta fyrir u.þ.b. 20 árum síðan. Rafmagnstafla - inntak var endurnyjað fyrir u.þ.b. 2-3 árum síðan.

Lóðin er sameiginleg, en neðri hæðin hefur sérafnotarétt að hluta, þ.e. afgirt verönd við húsið. Garðurinn er snyrtilegur, snýr í suður og þar er einnig lítið áhaldahús ásamt góðum pöllum.

Nánari lýsing:
Forstofa/Stigahol: Gengið er inn um sérinngang inn í rúmgott og afar fallegt stigaholt með flísum á gólfi og stórum gluggum til suðurs og norðurs. Fallegt drápuhlíðargrjót þekur stóran austurvegg og gerir innkomuna virkilega sjarmerandi. Stór stigapallur með flísum sem nýtist fyrir skófatnað og yfirhafnir. Bjart rými eins og fyrr greinir með gólfsíðum glugga.
Stofa: Er stór með parketi á gólfi og með stórum gluggum til suðurs og vesturs. Stofa rúmar vel setustofu og borðstofu. Niðurtekið loft með innfelldri lýsingu. 
Eldhús: Er opið að hluta við borðstofu (stofu). Flísar á gólfi og lökkuð viðar eldhúsinnrétting. Gott borð- og vinnupláss. Eldhús er bjart með gluggum til austurs. Stál Electrolux bakaraofn, keramik helluborð, tengi fyrir uppþvottavél og háfur.
Þvottaherbergi: Er staðsett inn af eldhúsi. Rúmgott með flísum á gólfi, vinnuborð og vaskur. Gluggi til austurs og  hillur.
Svefngangur: Með parketi á gólfi og stórum björtum glugga til suðurs. Útgengi á svalir.
Svalir: Eru stórar og snúa til suðurs inn í bakgarð hússins. Svalagólf er flísalagt.
Baðherbergi I: Flísar á gólfi og hluta veggja ásamt gólfhita. Sturta með glerþili, upphengt salerni, vaskur og útloftun.
Hjónaherbergi: Með dúk á gólfi, skápum og glugga til vesturs.
Svefnherbergi II: Með dúk á gólfi og glugga til suðurs.
Svefnherbergi III: Var áður 2 svefnherbergi (sjá teikningu) en var opnað á milli og stækkað. Hægt að breyta til baka. Gluggar til norðurs.
Baðherbergi II: Með flotuðu gólfi og baðkari með sturtutækjum. Innrétting við vask, upphengt salerni og gluggi til norðurs.
Turnherbergi: Gengið er upp hringstiga frá stofu. U.þ.b. 20 fermetrar og óskráð. Rúmgott með gluggum til allra átta með fallegu útsýni. Nýtist vel sem sjónvarpsherbergi eða stórt svefnherbergi.
Bílskúr: Er 20,0 fermetrar að stærð.

Staðsetning eignarinnar er afar góð á eftirsóknaverðum stað við Sæviðarsund í Laugardalnum þaðan sem stutt er í skóla á öllum skólastigum, Íþróttasvæði Þróttar og Ármanns, Laugardalslaug, verslun og þjónustu og alla afþreyingu sem Laugardalurinn hefur upp á að bjóða. Stutt er í helstu stofnæðar frá hverfinu.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672