Víkurmói 2

Víkurmói 2, íbúð 201, Selfossi

Um er að ræða fallega 98,8 fm. íbúð á annarri hæð í nýlegu fjölbýlishúsi á Selfossi. Húsið er byggt árið 2022 úr forsteyptum einingum. Samkvæmt teikningu skiptist íbúðin í þrjú svefnherbergi, stofu, eldhús, baðherbergi, geymslu og forstofu. Af svölum er gott útsýni til suðvesturs. Lyfta og hjólageymsla eru í húsinu.

Nánari lýsing:
Forstofa: Harðparket á gólfi.
Geymsla: Innan íbúðar, með harðparketi á gólfi.
Svefnherbergi: Þrjú svefnherbergi með harðparketi á gólfum og fataskápum.
Baðherbergi: Flísar á gólfi og á vegg við sturtu. Innrétting með vaski, upphengt salerni, sturtuklefi og handklæðaofn. Innrétting fyrir þvottavél og þurrkara í vinnuhæð.
Stofa og eldhús: Opið rými með harðparketi á gólfi. Í eldhúsi er rúmgóð innrétting með hvítum efri skápum og innbyggðri uppþvottavél. Úr rýminu er útgengt á svalir.