Norðurstígur 5

Trausti fasteignasala, Hallgrímur Hólmsteinsson löggiltur fasteignasali og Kristján Baldursson löggiltur fasteignasali kynna: Björt og falleg 3-4ja herbergja íbúð með miklum karakter á neðri hæð í fallegu tvíbýlishúsi á eftirsóttum stað í gamla vesturbænum í Reykjavík, steinsnar frá gömlu höfninni. Norðurstígur er róleg vistgata en þaðan er gengið inn í fallegt hellulagt port sem var tekið í gegn árið 2020, stemmingin í portinu er eins og þorp í borg og veitir íbúum mikið næði. Íbúðin hefur mikinn sjarma en haldið hefur verið í gamla stílinn þar sem upprunalegar gólffjalir fá að njóta sín sem og pottofnar og á tveim stöðum sést í fallega múrsteinshleðslu hússins, fallegir loftlistar og rósettur prýða loftin. Í íbúðinni eru tvær stofur, rúmgott eldhús/borðstofa, eitt svefnherbergi er á efri hæðinni en úr borðstofu er gengið niður í kjallara hússins en þar er 17 fm rými með tveimur gluggum, sem í dag er nýtt sem svefnherbergi.
Sjón er sögu ríkari. Fjallað var um eignina í þáttunum Falleg íslensk heimili.

Hellulagt bílastæði við hlið hússins fylgir. Íbúðin er skráð 83,3 fm hjá HMS.

Nánari upplýsingar veitir Hallgrímur Hólmsteinsson löggiltur fasteignasali í síma 8966020 eða með tölvupósti á hallgrimur@trausti.is og Kristján Baldursson með tölvupósti á kristjan@trausti.is. 

Nánari lýsing eignar:
Gengið er inn í fremri stofu sem er björt og rúmgóð með upprunalegum gólffjölum. 
Innaf fremri stofu er hugguleg innri stofa þar sem upprunalegur múrssteinsveggur fær að njóta sín í einu horninu. Afar falleg tvöföld hurð aðskilur stofurnar.
Eldhús og borðstofa eru í einu rými sem er rúmgott og bjart, innréttingin var máluð og á hana sett falleg borðplata frá Happy Furniture.  Gorenje ofn frá 2017 sem passar afar vel við stíl hússins,  keramikhelluborð endurnýjað 2020. Frá eldhúsi er gengið út á sameiginlegan pall sem snýr að baklóð hússins.
Herbergið uppi er rúmgott og bjart.
Baðherbergi er með antico vinyl dúk á gólfi, upphengt klósett, vaskur í innréttingu, fallegur panill á veggjum, sturta, gluggi.
Frá borðstofu er gengið niður hringstiga í 17 fm rými sem er að hluta nýtt sem svefnherbergi, þaðan er innangengt í sameiginlegt rúmgott þvottahús og geymslu.
Gólfefni íbúðarinnar eru upprunalegar viðarfjalir sem gefa íbúðinni mikinn sjarma og eru í öllum rýmum fyrir utan baðherbergi og kjallara. 

Einfalt en heillegt gler er í flestum gluggum í íbúðinni. Eignin stendur á einkalóð.

Þessi eign er einstök og afar sjaldgæft að íbúðir við Norðurstíg komi í sölu sem hafa þennan mikla sjarma og sérstöðu. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða með tölvupósti á hallgrimur@trausti.is eða hjá Kristjáni Baldurssyni með tölvupósti á kristjan@trausti.is.