Ártún 16

Glæsileg fjögurra herbergja endaíbúð með innbyggðum bílskúr í raðhúsi á Egilsstöðum. Flott og fullbúin eign með timburverönd og heitum potti við suðurhlið. Húsið er byggt árið 2022.
Stofa og eldhús eru í opnu og fallegu rými með upptekið loft og útgengt á timburverönd í garði. Falleg innrétting með eyju er í eldhúsi. Baðherbergi er flísalagt, þar er bæði sturta og handklæðaofn. Þrjú svefnherbergi eru í íbúðinni, öll með parket á gólfi og fataskápar eru í öllum herbergjum. Þvottahús er flísalagt og með innréttingu. Flísar eru einnig í bílskúr og þar er rúmgott og vel útbúið milliloft með mjög góðu aðgengi.
Hér er um að ræða nýlega og vel skipulagða fjögurra herbergja íbúð þar sem stutt er í menntaskóla (650 m) og grunnskóla (650 m). 

Húsið er viðhaldslétt að utan en það er klætt með ljósgráum fibersementsplötum (Equitone) og rauðbrúnni timburklæðningu. Gluggar og útihurðar eru úr tré með álklæðningu að utan og tvöföldu gleri. Þak er A-hallandi timburþak með einangrun, burðarbitum, lektum, öndunardúk og læstri stálklæðningu.