Hólmasund 4

Nýtt í sölu! Hólmasund 4 Reykjavík / Sérinngangur og stór sérafnotaflötur til suðvesturs!

Lind fasteignasala / Heimir Hallgrímsson lögg. fasteignasali kynnir afar fallega 120,0 fermetra 4-5 herbergja neðri sérhæð með sérinngangi og stórum sérafnotafleti (um 30 fm.) til suðvesturs við Hólmasund 4 í Reykjavík. Frábær staðsetning í fallegu húsi byggðu árið 2000. Útgengi úr stofu á viðarverönd sem er afgirt að hluta og hellulögð að hluta. Rúmgóð stofa sem rúmar setustofu og borðstofu. Léttur veggur stúkar eldhús af frá stofu en auðvelt er að taka hann niður og opna eldhúsið inn í stofu. 

Íbúðin skiptist í forstofu, stofu/borðstofu, eldhús, hjónaherbergi, 2 barnaherbergi, geymslu (sem er með glugga og er nýtt í dag sem svefnherbergi), þvottaherbergi og baðherbergi.

Gluggar voru málaðir sumarið 2023 ásamt því að steinn var málaður undir svalagólfum. Baðinnrétting og salerni var endurnýjað árið 2024. Búið er að setja upp rafhleðslustöð við bílastæði. Næg bílastæði á sameiginlegri lóð húsana. 

Um er að ræða frábæra fjölskyldueign á eftirsóttum stað við Hólmasund í Reykjavík. Stutt í alla verslun og þjónustu, íþróttasvæði, sundlaug, skóla og leikskóla. Fallegar göngu- og hjólaleiðir í Laugardalnum í næsta nágrenni.

Nánari lýsing: 
Forstofa: Með flísum á gólfi og góðum skápum.
Stofa: Er rúmgóð með parketi á gólfi. Stofa rúmar vel setustofu og borðstofu. Gluggar til suðvesturs og norðvesturs. Útgengi á stóra verönd.
Sérafnotaflötur: Stór sérafnotflötur sem snýr til suðvesturs með útgengi frá stofu. Viðarverönd og hellulögð að hluta. Mikið skjól er á verönd sem er afgirt að hluta.
Eldhús: Með flísum á gólfi og hvítri sprautulakkaðri eldhúsinnrétting sem var endurnýjuð árið 2007.  AEG bakaraofn, helluborð og tengi fyrir uppþvottavél. Útgengi á verönd frá eldhúsi. 
Baðherbergi: Flísar á gólfi og veggjum. Baðkar með sturtutækjum og glerþili. Nýleg innrétting við vask og nýlegt salerni. Handklæðaofn.
Hjónaherbergi: Með parketi á gólfi og góðum skápum. Gluggi til norðvesturs og norðausturs.
Svefnherbergi II: Með parketi á gólfi, skápum og glugga til norðausturs.
Svefnherbergi III: Með parketi á gólfi, skápum og glugga til norðausturs.
Geymsla/svefnherbergi IV: Með parketi á gólfi og glugga til norðvesturs. Teiknað sem geymsla en hefur verið nýtt síðustu ár sem svefnherbergi.
Þvottaherbergi: Með flísum á gólfi og tengi fyrir þvottavél/þurrkara. Aðstaða til þess að hengja upp þvott.

Í sameign er aðgengi að: sameiginlegri geymslu/hjóla- og vagnageymslu.

Um er að ræða frábæra staðsetningu í Vogahverfi í Reykjavík þar sem stutt er í fallegar göngu- og hjólastíga um hverfið við Laugardalinn.  

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is