Glitvellir 29

RE/MAX / Brynjar Ingólfsson lgf / MSc kynnir: Glitvellir 29 er afar vandað og vel skipulagt einbýlishús, byggt árið 2007, samtals 208,10 m². Eignin stendur á glæsilegri lóð með stórum og skjólgóðum palli þar sem heitur pottur er til staðar. Húsið hefur verið einstaklega vel við haldið, bæði að utan og innan, með vönduðum efniviði á borð við Mahony glugga og hurðir, ásamt gólfhita í öllum rýmum.

SKOÐAÐU EIGNINA Í 3D HÉR (MEÐ OG ÁN HÚSGAGNA)

Innandyra er eignin björt og rúmgóð, með eikar parketi og flísum á votrýmum. Hún skiptist í fimm svefnherbergi, tvö baðherbergi og stórt sjónvarpshol sem eykur á notagildi hússins. Eldhúsið er með fallegri Axis innréttingu og þvottahúsið er sérlega rúmgott og vel útbúið. Útisvæðin eru einstaklega snyrtileg og vel hirt, með fallegum gróðri, steyptu bílaplani með hitalögn og hleðslustöð fyrir rafbíla. 

Nánari lýsing:
Innandyra rými eru björt og opin, með vönduðum gólfefnum og gólfhita sem tryggir jafnan og þægilegan hita um allt hús. Sérsmíðaðar innréttingar og gluggar undirstrika gæði eignarinnar.
Anddyri: Flísar á gólfi og góður fataskápur frá Axis. Rennihurð er á gestasalerni sem er inn af anddyri. Útgengi er á pall úr anddyri.
Eldhús: Flísar á gólfi. Falleg eikar innrétting frá Axis með innbyggðum tækjaskáp og góðu vinnuplássi. Mikið náttúruljós berst inn frá stórum gluggum.
Stofa og borðstofa: Rúmgott alrými með eikar parketi á gólfi og mikilli rýmishæð. Stórir gluggar hleypa inn miklu náttúruljósi og útgengi er á stóran pall úr stofu.
Sjónvarpsrými: Sérstakt og gott sjónvarpshol með eikar parketi á gólfi.
Hjónaherbergi: Rúmgott herbergi með eikar parketi á gólfi og góðu náttúruljósi.
Fataherbergi: Stórt og vel skipulagt fataherbergi með eikar parketi á gólfi, útbúið hillum, skúffum og hengjum frá Axis. Rennihurð er á fataherberginu og það er gluggalaust.
Barnaherbergi (3): Þrjú rúmgóð barnaherbergi, öll með eikar parketi á gólfum og góðu náttúruljósi.
Herbergi inn af þvottahúsi: Eitt svefnherbergi til viðbótar er inn af þvottahúsi, með flísum á gólfi og gluggum.
Baðherbergi: Flísar á gólfi og veggjum. Hvít háglans innrétting frá Fríform, innfelld lýsing, upphengt salerni og baðkar með nuddi. Sturtuklefi er einnig til staðar. Handklæðaofn er á vegg.
Gestasalerni: Flísar á gólfi og veggjum. Upphengt salerni og lítil innrétting með handlaug. Rennihurð.
Þvottahús: Mjög rúmgott þvottahús með flísum á gólfi og handklæðaofni. Góð innrétting frá Fríform með skúffum, hornskáp og vinnuhæð fyrir þvottavél og þurrkara. Innangengt er úr þvottahúsi í bílskúr.
Bílskúr: Flísar á gólfi og góðar innréttingar. Geymsluloft er yfir bílskúrnum. Útgengi á pall er úr bílskúrnum.

Útisvæði og lóð
Einstaklega vel hirt útisvæði með fallegum garði og stórum palli sem býður upp á mikla möguleika til útiveru og skemmtana. Aðkoma er afar góð með hitalögn á bílaplani.
Pallur og garður: Stór og vandaður pallur úr timbri með skjólveggjum og Philips Hue snjall lýsingu. Garðurinn er einstaklega fallegur og vel hirtur með fjölbreyttum gróðri, rósum, trjám, runnum og snyrtilegri grasflöt.
Heitur pottur: Á afmörkuðu svæði á pallinum er heitur pottur með nærliggjandi Philips Hue snjall lýsingu sem skapar notalega stemningu.
Aðkoma og bílastæði: Steypt bílaplan með hitalögn sem tryggir greiða aðkomu yfir vetrarmánuðina. Hleðslustöð er til staðar fyrir rafbíla. Veggljós lýsa upp húsið að utan.
Gluggar og hurðir: Vandaðir Mahony gluggar og hurðir eru í húsinu sem undirstrikar gæði og viðhald hússins.

Búnaður og almennt ástand
Húsið er í einstaklega góðu ástandi og hefur fengið reglulegt viðhald. Ýmsar nútímalegar lausnir og búnaður eru til staðar sem auka þægindi og virkni eignarinnar. Til staðar eru Philips Hue snjall ljós á palli og kringum heitan pott, hleðslustöð fyrir rafbíla, handklæðaofnar í þvottahúsi og baðherbergi, og baðkar með nuddi á stærra baðherberginu.

Allar frekari upplýsingar um eignina veitir:
Brynjar Ingólfsson MSc, löggiltur fasteignasali í síma 666 8 999 / brynjar@remax.is

Vegna mikillar eftirspurnar vantar okkur allar tegundir eigna á skrá. Hafið samband og ég mun verðmeta eign þína þér að kostnaðarlausu.