Sólheimar 25

Sunna fasteignasala og Marta Jónsdóttir, lögfr. og lfs., kynna í einkasölu bjarta og fallega 3ja herbergja íbúð við Sólheima 25, 104 Reykjavík.

Íbúðin er á 87,9 fm og er á 7. hæð. Henni fylgja 2 geymslur, önnur á hæðinni og hin í kjallara. Geymslurnar eru 2,7 fm og 2,6 fm. Íbúðin sjálf er 82,6 fm. Tvennar svalir, aðrar með svalalokun til suðurs og minni svalir til austurs. Íbúðin er björt og opin með nýlegu eldhúsi og tækjum. Gólfsíðir gluggar í stofu með glæsilegu útsýni yfir höfuðborgarsvæðið og til fjalla.

Nánari lýsing:
Forstofa/gangur: Með parketi á gólfi og innbyggðum tvöföldum fataskáp. 
Svefnherbergi I: Með parketi á gólfi, góðum fataskáp og glugga til austurs.
Svefnherbergi II: Rúmgott með parketi á gólfi, góðum skápum, glugga til austur og útgengi á svalir.
Stofa: Er rúmgóð og björt með parketi á gólfi. Gólfsíðir gluggar til suðurs með glæsilegu útsýni yfir höfuðborgarsvæðið til suðurs og til fjalla. Stofan rúmar vel setustofu og borðstofu. Útgengt á yfirbyggðar svalir.
Eldhús: Mjög stílhreint og endurnýjað nýlega. Parket á gólfi. Flísar eru á milli efri og neðri skápa, bökunarofn er í vinnuhæð. Eigninni fylgir uppþvottavél og innbyggður ísskápur.
Baðherbergi: Flísar á gólfi og veggjum. Sturtuklefi, innrétting með handlaug og upphengt salerni. Gluggi til austurs. 
Þvottaherbergi og þurrkherbergi: Er sameiginlegt á 12. hæð hússins (efstu) með epoxy á gólfi. Þrjár þvottavélar, þurrkari, strauvél og vinnuborð. Bjart rými með glæsilegu útsýni.

Bílastæði er sameiginlegt. Hleðslustöðvar eru á bílastæði. 
Sameiginlegar svalir: Eru staðsettar á þaki hússins. Glæsilegt útsýni yfir höfuðborgarsvæðið, út á sundin og til fjalla.
Hjóla- og vagnageymsla: Er sameiginleg og er staðsett í kjallara. Snyrtileg með epoxy gólfi og gluggum til suðurs og austurs. Útgengi á lóð.

Húsvarðaríbúð: Er staðsett í húsinu og er í eigu húsfélagsins.
Húsvarðarrými: Er staðsett í kjallara og er notað sem fundarherbergi eða vinnusvæði fyrir húsvörð.

Um er að ræða virkilega sjarmerandi fjölbýli, byggt árið 1962, sem hefur fengið lof fyrir fallega hönnun. Arkitekt hússins er Guðmundur Kr. Guðmundsson. Í húsinu eru 44 íbúðir á 11 hæðum, auk kjallara og þakhæðar (12. hæð). 
Öll sameign hússins er til mikillar fyrirmyndar og viðhald á húsinu gott. Drenlagnir voru endurnýjaðar 2018, skólplagnir voru fóðraðar 2017 og múrviðgerðir og málun hefur verið sinnt í gegnum árin. Nýlega voru settar rafdrifnar hurðir í anddyri, þá var þak og þakkantur endurnýjað árið 2024. Skipt var um handrið á svölum árið 2022.

Húsvörður er í húsinu sem býr í húsvarðaríbúðinni. Tvær lyftur eru í húsinu. Nýlegur myndavéladyrasími er í húsinu. Myndavélaeftirlitskerfi er í sameign hússins.

Nánari upplýsingar veitir Marta Jónsdóttir, lögfr. og lfs., í síma 8633445 og netfanginu marta@sunnafast.is.