Þurárhraun 9

Nýlegt og glæsilegt 4ra herbergja 129,8 fm, staðsteypt raðhús á einni hæð. Á frábærum stað í nýju hverfi í Þorlákshöfn, 30 mín frá Reykjavík.  3 rúmgóð svefnherbergi, 2 baðherbergi, þvottahús, innangengt í bílskúr, stofa eldhús og borðstofa í opnu rými með góðri lofthæð.

Þrjú hús eru í lengjunni og er um miðjuhús að ræða. Húsið er glæsilega hannað, klætt með fallegri bronsaðri álbáru og gegnheilum bambus. Einhalla þak og allt að 3,7m lofthæð í stofu. Bambus borðin eru eldþolin, mygla ekki og eru með bæði LEED og BREEAM vottun.*
Húsið er vel staðsett, með snyrtilegum frágengnum garði sem snýr til suðurs. Útgengt er á veröndina frá hjónaherbergi og frá stofu um stóra rennihurð.  Veröndin er stúkuð af milli húsa, skjólgóð, yfirbyggð með skyggni og flísalögð með svörtum 60x60 Brave Coke flísahellum.** 
Lóðin er að öðru leiti þökulögð. Innfelld lýsing og tenglar (fyrir jólaseríurnar) eru í þakkanti beggja megin húss. Ídráttarrör og frárennsli er klárt fyrir heitan pott í garðinum, garðkrani er tengdur. Framan við húsið er steypt bílaplan með hitalögn sem er tilbúin til tengingar.   

Allar nánari upplýsingar veitir Halldór í síma 6932916 - halldor@fastgardur.is

3D myndir af sambærilegri eign.

Lýsing eignar fullbúin:
Anddyri: Komið er inn í rúmgott anddyri með fataskáp. 
Baðherbergi: Flísalagt baðherbergi með fallegri innréttingu, upphengdu salerni, handklæðaofni og stórri sturtu, aðskilinni með gleri. 
Svefnherbergi I: Inn af anddyri er rúmgott svefnherbergi með fataskáp. Parket á gólfi. 
Hol / gangur: Frá anddyri er komið inn í stórt hol í miðrými hússins, þaðan sem gengið er inn í aðrar vistarverur. Parket á gólfum.
Eldhús: Opið inn í stofu, vönduð innrétting með góðu skápaplássi, uppþvottavél, helluborð og ofn fylgir. Góð lofthæð er í eldhúsi og sameinast það stofu á skemmtilegan hátt. Parket á gólfi.
Stofa / borðstofa: Björt og rúmgóð með stórum gluggum ásamt stórri rennihurð þar sem er útgengt á verönd til suðvesturs. Parket á gólfi.  Lofthæðin í stofunni er flott (einhalla að 3,7 m) og gefur henni virkilega flott yfirbragð.
Hjónaherbergi: Er sérlega glæsilegt með stórum fataskápum, útgengi á suðvesturverönd og sér baðherbergi með sturtu. Parket á gólfi.
Baðherbergi II: Er inn af hjónaherbergi, flísalagt, með handlaug, fallegri innréttingu, handklæðaofni og sturtu. 
Svefnherbergi II: Rúmgott 9,8 fm með fataskáp og mikilli lofthæð. Parket á gólfi.
Þvottahús: Rúmgott með góðri lofthæð.  Vaskaskápur með tengi fyrir þvottavél og þurrkara hlið við hlið undir borðplötu. Gott pláss er til að setja upp hillur og innangengt er í bílskúrinn. 
Bílskúr: Góð bílskúrshurð með rafmagnsopnara og innangengt í þvottahús. Í bílskúr er gert ráð fyrir tengi fyrir rafmagnsbíl og er hægt að setja hleðslustöðina upp hvort sem er inní skúr eða utan á klæðninguna fyrir framan bílskúrinn. 
Bílaplan: Stórt steypt bílaplan með þremur stæðum, ílögð en ótengd snjóbræðsla. 
Lóðin: Er fullfrágengin, steypt bílaplan með hitalögn fyrir framan hús, tyrfð lóð og flísalögð verönd út frá stofu og hjónaherbergi. Búið er að leggja ídráttarrör fyrir heitan pott frá bílskúr út í garð og ganga frá affalli.  Garðkrani utan á húsi lóðarmegin.

Helstu vegalengdir:
Þurárhraun - leikskóli/grunnskóli/sundlaug 10 mín gangandi
Þurárhraun - heilsugæsla/verslun/ráðhús/ÁTVR/bakarí ofl 8 mín gangandi
Þurárhraun - Gryfjan bike park 8 mín hjólandi
Þorlákshöfn - Hveragerði 14 mín akandi
Þorlákshöfn - Selfoss 20 mín akandi
Þorlákshöfn - Rauðavatn 30 mín akandi