Víkurmói 2

Víkurmói 2 – Falleg og vel skipulögð 4ra herbergja endaíbúð á Selfossi

Um er að ræða rúmgóða og bjarta 98,9m² íbúð á 2. hæð í nýlegu fjölbýlishúsi sem byggt var árið 2022. Íbúðin er endaíbúð og nýtur því góðrar birtu og fallegs útsýnis. Íbúðin er sérlega vel skipulögð með þremur svefnherbergjum, rúmgóðu alrými þar sem eldhús og stofa tengjast saman, góðu baðherbergi og geymslu innan íbúðar. Lyfta er í húsinu og sameiginleg hjólageymsla. Hleðslustöðvar fyrir rafbíla eru á lóð. Víkurmói er í nýlegu og aðlaðandi íbúðarhverfi á Selfossi. Staðsetningin hentar vel fyrir fjölskyldur og þá sem vilja hafa helstu þjónustu, skóla, verslun og íþróttasvæði innan þægilegrar fjarlægðar. Selfoss hefur á síðustu árum tekið miklum breytingum og uppbygging í nýjum hverfum hefur skapað eftirsótt íbúðarumhverfi þar sem áhersla er lögð á góða þjónustu og fjölbreytta möguleika til útivistar.

**** LAUS VIÐ KAUPSAMNING ****

BÓKAÐU EINKASÝNINGU:
Böðvar Reynisson löggiltur fasteignasali s. 766-8484, bodvar@eignaland.is
Jens Magnús Jakobsson löggiltur fasteignasali s. 893-1984, magnus@eignaland.is 

Nánari lýsing eignar:
Forstofa: Góð forstofa með fataskáp og harðparketi á gólfi.
Eldhús og stofa: Eldhús og stofa mynda bjart og rúmgott alrými með harðparketi á gólfi. Eldhúsinnréttingin er tvítóna, með ljósri viðaráferð á neðri skápum og hvítum efri skápum. Innréttingin er vel útfærð með góðu skápaplássi og LED-lýsingu undir efri skápum.
Heimilistæki eru frá Ormsson og eru m.a. helluborð, bakaraofn, háfur, ísskápur með frysti og innbyggð uppþvottavél.
Úr alrýminu er gengið út á góðar suðvestursvalir með góðu útsýni.
Hjónaherbergi: Rúmgott hjónaherbergi með þreföldum fataskápum, harðparketi á gólfi og gluggum á tvo vegu.
Svefnherbergi II: Gott svefnherbergi með fataskáp og harðparketi á gólfi.
Svefnherbergi III: Gott svefnherbergi með harðparketi á gólfi og góðum glugga.
Baðherbergi: Fallegt baðherbergi með flísalögðu gólfi og flísum að hluta til á veggjum. Þar er góð baðinnrétting með vaski og speglaskáp, handklæðaofn, upphengt salerni og rúmgóð opin sturta með glerþili. Innrétting er fyrir þvottavél og þurrkara.
Geymsla: 4,6 fm geymsla er innan íbúðar og gefur gott viðbótarpláss fyrir heimilið.

Húsið og sameign: Húsið er nýlegt, byggt árið 2022 úr forsteyptum einingum. Í húsinu er lyfta og snyrtileg sameign ásamt hjóla- og vagnageymslu.
Við húsið er malbikað bílaplan með bílastæðum og hleðslustöðvum fyrir rafbíla.

Upplýsingar úr þingl. eignaskiptayfirlýsingu:
Birt stærð séreignar: 98,9 m2
Fasteignanúmer: F2512980
Eignin er fjögra herbergja íbúð á 2. hæð hússins (0201, birt stærð 98,9 m2) innan íbúðar er einnig að finna geymslu sem og svalir 0210. Íbúðin er í hlutfallslegri eign í sameign húss og heildar. 

Víkurmói 2 er góður kostur fyrir þá sem leita að nýlegri, rúmgóðri og vel skipulagðri fjölskylduíbúð á Selfossi, með þremur svefnherbergjum, góðu alrými, svölum og öllum helstu nútímaþægindum.