Hafnarbraut 8

 
Lf-fasteignasala/Lindin fasteignir s. 893-1319 og Þórdís Pála Reynisdóttir löggiltur fasteignasali thordis@lindinfasteignir.is kynna: Hafnarbraut 8, Neskaupstað.
Skemmtilegt og einstaklega rúmgott einbýlishús með fallegu útsýni, stórum svölum og um 60 fm aukaíbúð. Eignin er samkvæmt skráningu 282,5 fm og býður upp á fjölbreytta nýtingarmöguleika fyrir stórar fjölskyldur eða fólk sem vilja hafa möguleika á leigutekjum.
Á miðhæð hússins er björt og rúmgóð aðalíbúð með forstofu, eldhúsi, geymslu og rúmgóðri borðstofu og stofu með stórum útsýnisgluggum. Mikið geymslupláss er í eldhúsinu sem er skemmtilega hannað með eyju / morgunverðarbar sem vísar út í alrýmið. Inn af forstofu er löng geymsla sem liggur að bakdyrum hússins, þar sem byggt hefur verið skjól við innganginn. Aukaíbú er á miðhæðinni, með sérinngangi en jafnframt er innangengt svo hægt er að stjórna aðgengi eftir hentisemi. Hún skiptist í rúmgóða stofu með fallegu útsýni, svefnherbergi, eldhús og baðherbergi með aðstöðu fyrir þvottavél og hentar því vel til útleigu, eða fyrir fjölskyldumeðlimi og gesti.
Á efstu hæð eru fjögur svefnherbergi, þar af þrjú vel rúmgóð, ásamt baðherbergi með sturtuklefa og notalegri sólstofu sem eykur enn frekar nýtingarmöguleika hæðarinnar. Úr einu svefnherbergjanna eru dyr út á svalirnar og mynda þær skemmtilega framlengingu á íbúðarrýminu yfir sumartímann. Frábært útýni er af svölunum.
Á jarðhæð er rúmgóður bílskúr með bæði innkeyrsluhurð og gönguhurð og góðu aðgengi að lagnarými.
Á lóðinni er sögufrægur skúr, þar sem fyrsta vélaverkstæðis Austurlands var staðsett. Sérstakt einkenni skúrsins er V-laga veggurinn sem snýr upp í hlíðina. Endurgerð af húsinu er varðveitt á safni í Neskaupstað. Skúrinn nýtist í dag sem geymsla eða vinnuaðstaða.
Miklar endurbætur hafa verið gerðar á eigninni á undanförnum árum. Varmadæla hefur verið sett upp í húsinu sem hefur dregið verulega úr hitakostnaði og gerir rekstur eignarinnar hagkvæmari en áður. Þá hefur verið drenað við húsið, húsið málað að utan sem innan og ráðist hefur verið í umfangsmiklar endurbætur á raf- og pípulögnum.
Hér er um að ræða mjög rúmgott húsnæði með margskonar notkunarmöguleika, fallegt útsýni, tekjumöguleikar og áhugaverð staðarsaga fara saman.